കൊച്ചി: അരിയില് ഷുക്കൂര് വധക്കേസില് വ്യാഴാഴ്ച വിധി പറയും. എറണാകുളം പ്രത്യേക സിബിഐ കോടതിയാണ് വിധി പറയുന്നത്. കേസില് സിപിഐഎം സംസ്ഥാന സെക്രട്ടേറിയറ്റ് അംഗം പി ജയരാജന് 32-ാം പ്രതിയും സംസ്ഥാന കമ്മിറ്റി അംഗം ടി വി രാജേഷ് 33-ാം പ്രതിയുമാണ്.
വലിയ രാഷ്ട്രീയ ചര്ച്ചകള്ക്ക് വഴിവെച്ചതായിരുന്നു അരിയില് ഷുക്കൂര് വധക്കേസ്. 2012 സെപ്റ്റംബര് 20നാണ് അരിയില് സ്വദേശിയായ അബ്ദുൽ ഷുക്കൂര് കൊല്ലപ്പെടുന്നത്. എംഎസ്എഫ് നേതാവായിരുന്ന ഷുക്കൂറിനെ കണ്ണപുരം കീഴറയിലെ വള്ളുവന്കടവിനടുത്ത് രണ്ടര മണിക്കൂറോളം ബന്ദിയാക്കിയ ശേഷമായിരുന്നു കൊലപാതകം. ഷുക്കൂര് വധക്കേസില് ഗൂഡാലോചന കുറ്റമാണ് പി ജയരാജനും ടി വി രാജേഷിനുമെതിരെ ചുമത്തിയിരിക്കുന്നത്. ഈ കേസിലെ പ്രതിപ്പട്ടികയില് നിന്ന് ഒഴിവാക്കണമെന്നാവശ്യപ്പെട്ടാണ് ഇരുവരും സിബിഐ പ്രത്യേക കോടതിയെ സമീപിച്ചത്. സിബിഐ ആണ് പി ജയാരാജനെയും ടി വി രാജേഷിനെയും പ്രതി ചേര്ത്തത്.
കേസില് അന്യായമായാണ് പ്രതിചേര്ക്കപ്പെട്ടതെന്നായിരുന്നു പി ജയരാജന്റെയും ടി വി രാജേഷിന്റെയും വാദം. തളിപ്പറമ്പ് ആശുപത്രിയില് ചികിത്സയിലായിരുന്നു താനെന്നായിരുന്നു പി ജയരാജന്റെ വാദം. രാഷ്ട്രീയ കാരണങ്ങളാലാണ് പ്രതി ചേര്ക്കപ്പെട്ടതെന്നും ഹ?ര്ജിയില് ഉന്നയിച്ചിരുന്നു. തുടര്ന്ന് ഷുക്കൂറിന്റെ മാതാവ് ഹര്ജിയെ എതിര്ത്ത് കോടതിയെ സമീപിച്ചു. ഇതിലടക്കം വാദം കേട്ടാണ് ഇരുവരെയും പ്രതിപ്പട്ടികയില് നിന്ന് ഒഴിവാക്കാനാകില്ലെന്നും വിചാരണ നേരിടണമെന്നും കോടതി ഉത്തരവിട്ടത്. 24 വയസ്സിലാണ് ഷുക്കൂര് കൊല്ലപ്പെട്ടത്.
Content Highlights- The CBI special court is scheduled to deliver its verdict in the Ariyil Abdul Shukkoor murder case on November 19, 2026. The case involves 33 accused, including CPI(M) leaders P Jayarajan and T V Rajesh. Two accused died during the proceedings, while 31 faced trial. Abdul Shukkoor was killed on February 20, 2012.